Hillary Finfine Foriris La Konkurson

Hodiaŭ, Hillary Clinton oficiale foriris la prezidentecan konkurson, kaj promesis sian plenan subtenon por Barack Obama, dum telesendita parolo. Mi vidis la parolon, kaj opinias ke ĝi estis bonfarita. Mi kredas ke ĝi ne estis facila parolo por ŝi doni, sed ĝi farendis. Nun ni povos procedi kun la vera nacia kampanjo, kontraŭ John McCain kaj la Respublikana Partio.

Jes ni povas!

En aliaj novaĵoj, mi estas ankoraŭ iomete malsana. Grrr! Ne tiel, kiel antaŭ du tagoj, sed ankoraŭ “subvetera” (“subveteri” – “to be under the weather” – estas angla idiomo kiu signifas ke oni estas malsaneta). Mi antaŭĝojas pri tiam, kiam la malsano estos plene foririta. Espereble, dum la sekva tago aŭ du. Mi ne volas esti ankoraŭ malsana lundon (efektive, mi ne volas esti malsana nun).