La Debato (Kaj Kie Estis Palin?)

Lastanokte, mi vidis la unuan prezidentan debaton inter John McCain kaj Barack Obama.  Kvankam mi volas diri ke McCain malbone malgajnis, vere li ne faris grandajn erarojn.  Sed, Obama ankaŭ faris bone.  Ĉar mi estas demokratano, mi kompreneble sentis ke Obama faris pli bone ol McCain, precipe ĉar la temo de la debato estis pri fremdaj polisoj, kiu estas la forto de McCain (kvankam, ili parolis pri la usona ekonomio dum la unuaj 40 minutoj).  Mi opinias ke la celo de Obama ne estis tiom por gajni, sed nur por ŝajni kompetentan pri la temo.  Mi kredas ke li tiel faris.  Kaj, tiumaniere, li vere gajnis.

Post la debato, dum ĝia analizo, Joe Biden (la kunkandidato de Obama) donis siajn pensojn pri la debato.  Kaj Sarah Palin, la kunkandidato de McCain… ne estis tie!  Kial?  Mi scias.  Ni ĉiuj scias.  Ne sekretas.  Ŝi ne povas esti fidita antaŭ la gazetaro – ĉiu fojo kiam ŝi malfermas sian buŝon, ŝi metas sian piedon forte en ĝi.  Mi aŭskultis parton de intervjuo inter Palin kaj la novaĵistino Katie Couric, kaj ofte Palin estis vere malkomprenebla.  Ŝi diris frazojn kiuj enhavis ne signifojn (mi ne troigas – ili vere ne estis kompreneblaj).

Dum ĉi tiu debato, estis ne multe da “fajraĵoj”, kiujn la gazetaro ŝatas.  Plejparte, ĝi estis iom trankvila.  Fakte, Obama diris kelkfoje ke li akordas kun McCain pri iom temoj.  Mi kredas ke tiu estis eraro, kaj ni povas anticipi ke ni vidos politikajn reklamojn de la McCain kampanjo kiu montros tiujn fojojn.  Sed, ĉiukaze, mi feliĉas pri la debato, kaj nun atendas la sekvan.