Sporo

Hodiaŭ mi faris ion, kion mi ne ofte faras – mi aĉetis videoludon:  Spore (Sporo), de Electronic Arts (Elektronikaj Artoj).

Lastatempe, mi televidis programon pri frua tervivo, kaj inter la segmentoj ili montris la ludon.  Estas vere ne tiom ludo, kiom simulilo.  Kaj ĝi interesas al mi.  Vi (la ludanto) kunlude kreas unuĉelajn bestojn, kaj evoluigas ilin ĝis ili bestiĝas, pliinteligentiĝas, konstruas urbojn, kaj fine konstruas spacŝipojn kaj foriras de la planedon.

La ludo estis kreita de la samaj homoj kiuj kreis “Sim City”, kaj la ludocelo tre similas: faru kion vi volas (kvankam mi kredas, ke kiam la diĝitaj kreaĵoj foriras de la planedon, la ludo finiĝas).

Mi ludis ĝin dum kelkaj horoj, kaj ĝuis la ludon.  Bedaŭrinde, la programo kolapsis unu fojo, kaj iam haltis momente (kaj post nelonge funkciis denove).  Mia komputilo estas ĵus sufiĉe bona por operacii la programon, kaj eble tio estis la kaŭzo.  Mi esperas ke la kialo estas iu kiel tiu, kaj ne ĉar la programo enhavas cimojn.